今季成绩沉沦嘅车路士，继续喺1月转会窗寻求反弹方法，葡萄牙国脚祖奥菲历斯周三(11日)已飞抵伦敦，完成体测後会正式签约加盟，不过「蓝战士」仲未够喉，据後球会仍想再签多1个前锋，目标包括法国前锋马古斯杜林同燕豪芬新星马杜基。

车路士日前同马德里体育会就引入祖奥菲历斯，达成总值1,600万镑嘅半季借用协议，该葡萄牙前锋嘅女友Margarida Corceiro，周二(10日)即喺IG贴出喺私人飞机内嘅自拍，到达伦敦後更即时上车去车路士训练基地，完成後就正式签约。

据《The Athletic》消息，车路士领队朴达得到祖奥菲历斯後，仲想再签多一个前锋，首选系法国国脚马古斯杜林，佢同慕逊加柏嘅合约到季尾就完结，预计只需要1,000万镑转会费就有机会成事，而燕豪芬嘅20岁英格兰前锋马杜基就系後备人选。