曼联乌拉圭世盃国脚法根度柏利斯查喺球队长坐冷板，会方正研究将佢再度外借，下一站好大机会系华伦西亚，下星期将有决定。

转会专家Fabrizio Romano报道，21岁嘅柏利斯查加盟曼联已经3年，上两季曾外借到西班牙艾拉维斯，今季回收後只喺英联盃上阵1场，红魔生涯几乎一片空白，早前法林明高有意收购，但交易已告吹，华伦西亚正提出借用。

虽然喺曼联冇出场机会，但柏利斯查却系乌拉圭世盃国脚正选翼锋，卡塔尔世盃上阵3场，所以曼联暂时唔舍得卖佢，但留佢喺队内又冇用，最佳方法就系外借，估计佢外借到华伦西亚机会唔低。