意甲劲旅祖云达斯被指控造假数罪名成立，喺意大利引起牵然大波，就连英超热刺亦受到波及。热刺总监柏拉迪斯系案件中被定罪嘅人物之一，被意大利足总「停赛」30个月，据报禁令极可能会延伸至全球执行，落实嘅话柏拉迪斯难以留喺英超，佢老友干地亦唔会再教热刺，「意甲改革」面临全面推倒。

柏拉迪斯喺2021年6月出任热刺总监前，喺祖云达斯服务长达11年，今次造假数丑闻佢亦系「孭飞」重要人物，最终被意大利足总罚停赛30个月，据报意大利足总正向国际足协同欧洲足协申请禁令喺全球执行，足球法律专家迪马高向英国《每日邮报》透露，国际足协几乎肯定会将禁令延伸至全球。

英超赛会同热刺暂时未就事件表态，而且祖云达斯同柏拉迪斯亦考虑上诉，不过英超条例规定，如果球会管理层成员，被任任国家体育机关发出禁令，都有权被取消管理层资格。柏拉迪斯系干地答应执教热刺嘅最大原因，近年不断喺意大利招兵全面「意甲化」，今次一旦被禁履行总监职务，主席利维将会为管理层再做一次换血。