艾纳斯喺沙特超级盃出局，球迷议论纷纷，有人话艾纳斯得一个C朗，但队友水准太低系唔掂，一定要签多个同级球星夹佢先得，沙特传媒报道，艾纳斯将重金斟介莫迪历，C朗加入游说，希望魔笛过嚟沙特帮手，并於今个冬窗完成交易。

C朗喺艾纳斯嘅年薪系2亿欧元，依家想签另一位金球奖得主莫迪历，出手肯定唔会低，据报该队将年薪提升到最高4500万欧元，并向皇家马德里买断余下半年合约，令魔笛安心去沙特发展。

37岁嘅莫迪历今季在皇马上阵25场交出5入球3助攻极佳数据，卡塔尔世盃率领克罗地亚取得季军，证明仍然处於高水平，问题系皇马同佢合约尚余半年，按照皇马作风，就算续约只会同佢续一年，不过由於佢年薪超过2000万欧元，亦有可能唔续约，到时莫迪历只能喺皇马束结球员生涯。

冬窗只剩番几日时间，艾纳斯开出巨额合约邀请，有C朗同佢做队友，皇马又可以悭番半年合约，莫迪历会点选择？