C朗拿度女友乔治娜上年推出Netflix纪录片《我是乔治娜》，讲佢点样由「山鸡变凤凰」，同C朗嘅爱情故事大受欢迎。乔治娜日前喺社交网宣布，《我是乔治娜》第2季将会喺今年3月推出，预料会有佢哋离开英超转战沙特阿拉伯嘅内幕，球迷当然等食花生。

乔治娜喺IG贴出《我是乔治娜》第2季嘅宣传相，着黑色吊带小背心嘅佢以球证造型出现，左手拎住个闪令令嘅银鸡、右手举起一张貌似红牌嘅信用卡，完全表现出乔治娜同足球生活、富豪生活嘅关系，唔少粉丝都话非常期待。

暂时未知《我是乔治娜》第2季嘅内容系乜，不过普遍预期会有C朗同曼联反面嘅背後故事，佢哋选择离开英超去沙特阿拉伯嘅心路历程等等。乔治娜之前已经常喺社交网为C朗反击外界指控，相信纪录片会有更激嘅内幕。