冬窗关闭後，传媒发现曼联队中有位球员，唔使练波同比赛，但又冇被坦哈格踢走，佢就系喺曼联效力长达12季嘅超级老臣子菲尔种斯。

菲尔锺斯可算系曼联奇人，2011年加盟至今，经历费格逊、莫耶斯、尹戈尔、杰斯、摩连奴、苏斯克查、卡域克、兰历克同坦哈格，合共9位主帅，堪称9朝元老，但一直未被解约或出售。

而且佢只有30岁，年纪唔算大，最神奇系2019年，当时合约期满嘅菲尔锺斯原打算离队，但估唔到曼联竟同佢续约4年，年薪450万镑，续约後嘅佢至今仅为曼联上阵13次，其中2020至21球季同今季，都因为受伤0上阵。

今个冬窗结束後，英超官方公布最新注册名单，菲尔锺斯未列入25人名单上，代表佢今季提早收咧，坦哈格对此坦言，执教曼联後，从未见过菲尔锺斯参加一次操练：「我都唔会佢仲踢唔踢到波，佢今季一课都未练过，亦无可能比赛，至於佢会点安排，今个夏天先算。」