日本世盃国脚三笘薰近期表现突出，报道指佢获得英超豪门车路士及阿仙奴青睐，英国传媒预测，签人唔手软嘅车路士今夏将以3500万镑向白礼顿签入呢位亚洲新天王，跻身顶级球星行列。

《teamtalk》指出，车路士新班主保利为重组球队可谓不惜工本，今季已花费接近6亿镑，而佢对年轻有潜质新星最感兴趣，三笘薰啱晒佢口味。

白礼顿近期连场取胜，三笘薰功劳极大，近7仗交出5球1助攻，包括近3仗连续入球，佢喺边路盘扭同射门极具威胁，已经在英超迅速冒起。

报道指，白礼顿两年前只花260万镑由川崎前锋签入三笘薰，合约尚余两年，如果车路士今夏以3500万镑收购，相信白礼顿无法拒绝。