曼城喺英超击败阿仙奴重登榜首，哥迪奥拿同阿迪达嘅师徒对决相当精彩，「徒弟」阿迪达带领嘅阿仙奴场面占优，逼到曼城只有37%嘅最低控球率，不过哥迪奥拿半场期间变阵，成功扭转局面，两师徒9次对碰哥迪奥拿第8次赢波。

阿仙奴同曼城都系采取控球打法，哥迪奥拿今场用贝拿度施华客串左闸，但上半场表现麻麻，多次要用超技术去阻截布卡约沙卡，不过哥帅半场期间变阵，将贝拿度施华由左闸调去右翼，并且艾宁夏兰特嘅体型优势转打简单直接进攻，最後成功赢波。

哥迪奥拿赛後表示：「上半场劣势问题出喺我嘅战术，我想尝试一啲新嘢，但结果好恐怖，完系系阿仙奴天下。下半场我改变战术，鲁宾戴亚斯对马田奥迪加特踢得更加侵略，艾宁夏兰特喺前场帮到好多，贝拿度施华好聪明，由左闸踢到右翼，冇几多个球员可以做到！」