曼联即将同18岁阿根廷新星加拿祖续约，消息指新合约为期5年至2028年，人工由周薪7000镑加到5万镑，目前尚欠肖像权等细节倾妥就可落实，亦系坦哈格入主後首位续约一队球员。

加拿祖祖籍阿根廷，佢喺马德里出世，最初在马体会青训系统受训，後来先转投曼联青训，上季喺青年足总盃夺冠，系曼联11年来首度捧盃，上季尾佢获当时领队兰历克徵召上一队，今季坦哈格接手後获得更多机会，季前集训曾因为开会迟到被处分，之後成熟咗好多，虽然好多时做後备，但已交出3球5助攻数据。

由於加拿祖同曼联将於明年完约，近日有消息指皇马、马体会同祖记都对佢有兴趣，曼联为免被抢走呢位新星，决定同佢优先解决续约问题。