英联盃决赛周一(27日)凌晨上演，纽卡素同曼联争逐冠军宝座，呢场决战无论边队赢波，有一个球员都有机会拎到冠军奖牌，佢就系斯洛伐克门将杜巴夫卡啦！

34岁嘅杜巴夫卡上半季由纽卡素外借曼联，并且喺英联盃第3圈同16强正选上阵，上个月被纽卡素回收出任2号门将，不过就唔合乎英联盃上阵资格，所以就算正选尼克普比喺决赛停赛，杜巴夫卡都唔会喺呢场争冠大战上阵。

有趣嘅系，英国《每日邮报》指出，无论最後曼联定纽卡素捧盃，杜巴夫卡都有机会拎到冠军奖牌，因为赛会并冇限定拎冠军奖牌资格，而且每队有30面奖牌自由分配畀职、球员。纽卡素今季英联盃用过25个球员，其中3个已经离队，就算杜巴夫卡并冇上过阵，都冇机会「分一杯羹」。