车路士冬窗大手增兵後成绩冇改善，主帅朴达压力愈嚟愈沉重，日前佢自爆收到球迷死亡恐吓，叫佢同佢嘅子女去死，同时又暗示球队成绩差，上任领队杜曹都有责任。

踏入2023年，车路士仅赢过1场，朴达喺例行记者会仲迟到，为咗舒缓压力，佢同记者讲笑：「唔好意思，我迟咗，因为刚刚同高层开咗个危机会议，幸好我仲健在。」朴达强调仍然获得球会高层支持，但亦收到来自球迷嘅不友善信息。

「有来信叫我去死，又叫我嘅子女快啲去死，咁样好唔愉快，我承认要接受批评，但都不能喺不正确事情陷入太深，亦要有足够嘅分办能力，如果你去打工，有人对你发出威胁，你肯定都唔开心。」

朴达又暗示，球队成绩差同杜曹有关：「我同球员了解过，球队季前集训搞到一镬泡，无法按原定计划进行，不过当时我唔在场，所以不能评论。」