巴西名宿「细哨」朗拿度奴近日有新搞作，就系出山踢7人赛，引起广大关注，网上直播观看人数突破200万，而且43岁嘅「细哨」身形保养得好，脚法仍在，大家仲可以继续睇佢表演。

呢项7人赛系一个联赛，共有12队参赛，「细哨」所属球队叫做Porcinos，日前一仗系出山之作，比赛期间「细哨」戴上队长臂章，曾主射罚球，但就省中人墙弹高，结果踢成0比0，要以1对1方式盘扭射门方式定胜负，但「细哨」唔锺意呢种方式，认为冇挑战性而拒绝落场，最终佢所属球队落败。

报道指，「细哨」近期相当活跃，除咗出席7人赛，仲游走於欧洲各地，担任代言人及出席商业活动，凭自己嘅影响力继续搵钱。