荷兰盃8强，力争衞冕嘅燕豪芬，主场扑击荷乙嘅海牙。燕豪芬欧霸出局，联赛争持激烈，荷兰盃既然抽到好签，主场出击肯定搏命。海牙近况不俗，踏入2023年保持不败，有力同燕豪芬斗攻，双方近7次交手6次开4球或以上，3.5球大放心捧场。（周五凌晨1时45分开赛）

燕豪芬上周欧霸附加赛次回合，虽然喺主场赢西维尔2比0，但首回合落後3球，最终要出局。至於荷甲现时排第4，距离榜首嘅飞燕诺6分，上面仲有阿积士同阿尔克马尔，夺标唔系无希望，但困难肯定大过荷兰盃。

由前曼联射手云尼斯达莱执教嘅燕豪芬，今季大踢进攻足球，联赛23战入60球，荷兰盃2战亦入5球，8强抽到海牙绝对系上上签。PSV近10次主场斗海牙全部赢晒，心理上已经有着数，近3次更系赢4比0同3比1等比数，今场有力大炒。

海牙盃赛有力发围

不过海牙又未必会捱打，佢哋喺荷乙依家排喺中游，暂时唔使愁降班，有力喺盃赛发围，尤其佢哋踏入2023年，踢10场获7胜3和，只有2场入唔到波，包括上周作客丹保殊，刻意留力今仗所致，海牙有力同PSV斗攻，希望创造奇迹，加上两军近7次交手6次开4球或以上，入球大系必入之选。