法国中场保罗普巴养伤大半季，上星期先至为祖云达斯首演，点知周五(10日)欧霸盃就因违规被教练阿里基禁赛，好在祖云达斯照样喺呢场16强首回合，主场1比0赢弗赖堡。

祖云达斯对弗赖堡前宣布，保罗普巴因为喺赛前会议期间迟到，所以被逐出今场大军名单。祖云达斯今场控制战局，令弗赖堡全场只有1次唔中龙嘅攻门，不过祖记把握力亦不足，最终只靠迪马利亚喺53分钟一箭定江山，喺首回合领先1比0。

首回合顺利领先，阿里基赛後亦笑晒口表示：「保罗普巴今晚准时到达，所以佢听日可以重新归队。」对於今场比赛，阿里基就话：「我哋踢得好好，但要改善最後一脚嘅处理，今场有几次时间同判断都做错，喺呢个水平赛事系唔容许发生。」