英格兰今个星期展开欧国盃外围赛，一开波就连斗意大利同乌克兰两大劲敌，不过大军未集结已经有球员变动，效力纽卡素嘅尼克普比宣布因伤退队，领队修夫基即补选热刺嘅费沙科士打，呢位35岁老将对上一次为英格兰上阵已经系2016年。

曾6次为英格兰上阵嘅费沙科士打，今次入选令人意外，若非尼克普比、森庄士东、甸恩轩达臣都受伤，呢位35岁老将都冇机会重返国家队，而且佢本身只系热刺後备，因为正选洛里斯重伤而担正，结果时势造就佢可以再尝入选英格兰滋味。

英格兰目前有比克福特同兰斯达尔在阵，预计费沙科士打上阵机会唔大。英格兰会喺周五(24日)凌晨作客意大利，之後再喺下周一(27日)凌晨主场对乌克兰。