皇家马德里今季西甲成绩下滑，不过喺欧联就愈战愈勇，周四(13日)主场击败车路士後，「欧联之王」安察洛堤今场继续刷新纪录，呢场系佢执教皇马第35场欧联胜仗，超越迪保斯基嘅34场纪录，成为皇马史上欧联赢波最多教练！

安察洛堤只系用47场欧联赛事就拎到35场胜仗，胜率亦远超迪保斯基(60场34胜)，呢位意大利教头赛後表示：「最後时间踢多1个，应该要进一步施压，但呢个战果同表现都令我满足。我哋仲有90分钟未踢，足球场乜都有机会发生，次回合都要保持今仗嘅表现。」

63岁嘅安察洛堤今场赢尽掌声，比赛期间佢更表现潇洒脚法，一只手插住裤袋，将一个飞出场边嘅波拭定，挑挑剔剔再踢番入场，唔少车迷都留言自嘲：「安察洛堤嘅脚法，仲好过全队车路士球员加埋！」亦有球迷留言：「安察洛堤依家嘅实力，应该可以喺车路士踢正选。」