曼联对格连活特嘅纪律调查仍然继续，相信系担心呢位曾涉嫌性侵及殴打女友嘅「凶徒」影响球会形象，造成经济损失，现时最佳解决方法系将佢外借，AC米兰表示愿意接收。

其实想接收该年轻锋将嘅球队好多，早前就有来自土耳其嘅两支球队，均被曼联拒绝，英国《express》报道，AC米兰最近表示对格连活特有兴趣，希望加强锋力挑战拿玻里意甲宝座。

AC米兰现时只得基奥特一名前锋可用，撇开纪律问题，格连活特嘅射门触角正是球队所需，相信佢去到意甲可以发挥所长。

消息指，曼联无意直接出售格连活特，佢哋需要畀球员「过冷河」，外借系最佳出路，安排佢喺其他联赛保持状态，再过一段时间令事情淡化，先会畀佢重新归队。