周一(17日)凌晨西甲赛事，「1哥」巴塞隆拿作客被基达菲闷和0比0，各项赛事陷入3场入球荒，虽然喺联赛榜仍有11分嘅领先优势，不过下星期大战来势汹汹嘅马德里体育会，如果再有差迟，随时令冠军争逐再起波澜。

巴塞隆拿继西盃吞皇马4蛋後，近2场联赛分别0比0闷和基罗纳同基达菲，系球队自1993年以来首次喺西甲单季连续2场0比0。巴塞隆拿进攻死火，下周日(23日)仲要迎战强势嘅马德里体育会，马体会周一主场2比1赢艾美利亚後西甲6连胜，近9场联赛豪取8胜1和，如果下仗赢埋巴塞隆拿，就可以追到只差10分。

马体会教练施蒙尼赛後被问到有冇机会後上封王，呢位阿根廷教头就表示：「我哋唔好讲啲不设实际嘅话题，现实系我哋落後榜首13分，依家要专注做好自己嘅事，积分会喺季尾显示出嚟，结果系点大家拭目以待。」