今晚欧联8强次回合焦点战，拜仁慕尼黑返主场再斗曼城。德甲劲旅拜仁首回合大败而回，不过佢哋喺主场专克英超球队，加上曼城要3线作战，今仗难免会有所保留，拜仁无论为晋级抑或挽回面子，今仗都会尽力赢波，平手盘捧得过。（Now 643周四凌晨3时直播）

拜仁慕尼黑首回合0比3惨败喺英超强队曼城手上，同後衞乌柏美卡奴喺末段连番犯错有关，球队整体表现并唔算太差，虽然要博反胜晋级机会渺茫，但球队上下仍未放弃，希望喺主场上演绝地反击。

事实上，拜仁慕尼黑近9仗欧联主场，录得8胜1和，若果单计喺安联球场迎战英超球队，取得6胜1负佳绩，可见主场遇英超兵特醒。

另边厢，曼城依家仍要争逐英超、欧联及英足盃，今仗就算输2球或以下都可晋级，当然佢哋唔想落败，不过3线作战下，首回合亦有3球领先优势，主帅哥迪奥拿考虑到频密赛程，难免要作出部分轮换，或影响实力。

查实「蓝月亮」客场表现麻麻，近3仗欧联作客全部打和仅入1粒，对手包括两支德甲兵多蒙特及RB莱比锡，今次造访实力更强嘅德甲劲旅拜仁慕尼黑，随时有机会败走都唔奇，拣平手盘好路。