意甲冠军争夺即将进入结局篇，「1哥」拿玻里周一(24日)凌晨作客1比0绝杀祖云达斯後，依家抛离次席嘅拉素17分，喺联赛只剩最後7轮下，拿玻里最快嚟紧星期日(30日)就可以宣布夺冠，亦会系佢哋自马纳当拿年代後首尝意甲冠军滋味。

拿玻里喺欧联8强出局後，返到联赛即刻作客硬撼祖云达斯，佢哋反客为主控制战局，可惜前锋域陀奥森汉错失多次机会，终於去到补时3分钟，拉斯柏度尼接应艾利夫艾马斯传中射入，助拿玻里绝杀1比0。拿玻里只要周六(29日)主场赢沙兰力坦拿，而拉素翌日作客国际米兰失分，拿玻里就可以提前宣布赢得意甲冠军。

从未赢过意甲冠军嘅史巴列堤(拿玻里教练)赛後表示：「当你发现自己即将赢得意甲冠军，就会觉得咁多年嘅牺牲系有回报。」不过史巴列堤亦强调：「依家唔可以开香槟住，因为任务仲未完成，经历欧联出局嘅遗憾之後，今仗唔能够对球员有更高要求，恭喜佢哋！」