球季就快完，新季波衫陆续出炉，曼联来季波衫喺网上率先曝光，采用「蛇皮」设计，运动品牌得番3条斜间，衫领亦消失变成V领，落望非常紧身，网民初步观感好坏参半，有人觉得新设计系史上最样衰。

曼联今季波衫系有领、松身，衫袖略长，暗直纹，而呢件2023至24球季嘅波衫就几乎全部改晒，变成V领、紧身、短袖，最特别系暗纹整到成块蛇皮咁。

有网民反应好大，直指呢件系「史上最样衰波衫」，「我哋究竟做错乜嘢，要畀件咁嘅波衫我」，「设计概念似乎来自双层厕纸」，「我真系喊咗出嚟」，「系咪小童波衫设计比赛，呢件系冠军作品？」

有弹亦有赞，有人觉得新波衫唔错「好乾净，比今季嗰件好」，「呢件系好波衫」，「一定好受欢迎」，不过赞誉声音唔多。