C朗今年初空降沙特後，当地球圈不断努力斟介更多高质球星加盟，近日终於再有好消息，今季由曼联外借到西维尔嘅阿历士迪尼斯，将不获西维尔续借，而曼联亦无意收回，呢位30岁巴西国脚愿意接受艾纳斯邀请，去沙特同C朗重逢。

《阿斯报》报道，迪尼斯2020年加盟曼联，效力两个球季，上阵50场入1球，同C朗做过队友，今季坦哈格上任後被外借到西维尔，但不幸出现膝伤，错过卡塔尔世盃，今季喺西维尔上阵32次0入球。

曼联当日由波图收购迪尼斯，3年前转会费为1500万欧元，现时佢喺德国《转会市场》身价为1200万欧元(约1.03亿港元)，C朗所在嘅艾纳斯，以及土超加拉塔沙雷同时向佢发出邀请，由於C朗嘅关系，迪尼斯愿意到沙特发展。