艾宁夏兰特打破英超史上单季入球纪录，登陆英超第1季就超越晒舒利亚、亨利、奥云、穆罕默德沙拿等传奇射手，呢位挪威前锋今季踢31场联赛，有21场都能够取得入球，更加犀利嘅系，佢今季英超已经攻破17支球队大门，只有宾福特同车路士仲未畀夏兰特击破，而曼城最後5轮联赛，宾福特同车路士都系佢哋对手之一，夏兰特成然有望完成「通杀」全英超壮举！

Opta数据显示，夏兰特今季35个联赛入球，只系需要108次攻门，当中有56次系命中目标，即系佢射中目标嘅攻门，有一半以上都可以转化为入球。入球当中左脚射入23球，头槌同右脚都各入6球。夏兰特入球当中有7球来自12码，不过佢今季xG(预期入球)只有26.1球，依家入到35球，证明佢嘅射术同把握力系超乎预期咁劲。