曼联名宿杰斯近年负面新闻多多，最近又成为新闻人物，英国《太阳报》报道，原来呢位49岁前威尔斯国脚仲有1位11岁同父异母胞弟，但呢位细佬行一条截然不同嘅道路，「弃足用手」热衷打榄球，而且仲系曼联宿敌利物浦嘅球迷。

杰斯16岁嘅时候父母离婚，佢决定改跟妈妈姓「杰斯」，同身为前威尔斯职业榄球员丹尼威尔逊划清界线，至於同父异母胞弟跟爸爸姓，名为博威尔逊。虽然「博仔」有1位球星哥哥，但两人从未见过面，佢亦冇兴趣踢波，反而希望继承爸爸衣钵，自细喜欢打榄球。

与此同时，「博仔」系利物浦球迷，似乎注定两兄弟势不两位。现年67岁嘅丹尼威尔逊话，现时睇「博仔」打榄球比赛，就似当年睇杰斯喺曼联踢波一样，为佢哋感到骄傲。