近期不断传出阿根廷球王美斯同巴黎圣日耳门(PSG)关系破裂，将於今夏离队，甚至会加盟沙特阿拉伯球队希拉尔，美斯嘅爸爸佐治终於忍唔住，喺社交网发表「千字文」，讲明球季结束前，呢位35岁射手都唔会决定去留。

佐治发表声明话：「美斯并冇同任何球会联系，佢喺今季法甲结束之前，唔会作出任何决定，当收咧之後，先至系作出客观分析及下决定嘅适合时候。好多人利用美斯嘅名字造谣、博出位，但事实只有一个，我哋可以保证由此至终，都冇同其他球会有联系。」

早前传出美斯嘅团队已经同沙特阿拉伯方面达成协议，佢将会同希拉尔签约2年，年薪高达5亿欧元(约43亿港元)，仲有权选择任何时间离队。另外，亦有传美斯希望重返巴塞隆拿。