般尼今季称霸英冠，球队亦积极为升上英超做准备，据报领队高柏尼已将阿仙奴中场森比卢干加视为头号目标，呢位比利时小将喺「兵工厂」未受重用，但一手将佢提携嘅高柏尼，仍然非常赏识呢位小将，预计转会费约1,700万镑(约1.66亿港元)。

23岁嘅森比卢干加2年前加盟阿仙奴，但系表现未如理想，今年1月被外借去水晶宫，同样系冇乜表现，不过般尼领队高柏尼对佢情有独锺，事关森比卢干加当初喺安德列治上位，正正系高柏尼大力提携，甚至畀佢做埋安德列治队长。

阿仙奴今年1月已签入意大利国脚佐真奴，今个夏天预计亦会重金收购中场球星，放走森比卢干加机会唔细，消息指阿仙奴打算收番「成本价」约1,700万镑，般尼升上英超後收入大增，呢个价钱应该难佢哋唔到。