西班牙传媒报道，皇马对热刺队长哈利卡尼有极高评价，但一直未有斟介行动，最主要原因系热刺主席利维太难缠，皇马唔想同呢位麻烦友接触，费事劳气。

哈利卡尼今季英超为热刺攻入30球，状态甚佳，佢同热刺尚余1年合约，照道理应该吸引欧洲各大豪门斟介，不过事实刚好相反，拜仁慕尼黑已告放弃，就连传得最多嘅曼联都未有行动，原因就喺利维身上。

西班牙电台记者Arancha Rodríguez披露，欧洲豪门都对利维敬而远之，皇马虽然垂青哈利卡尼，但都选择不采取行动，因为皇马早在2012年及2013年，曾就莫迪历同加里夫巴利两宗转会同利维打交道，虽然过咗咁多年，皇马都唔想再招惹利维。