罗马翼锋艾沙拉维今届欧霸盃上阵10次射入2球及1次助攻，成为球队晋身决赛嘅功臣，但佢同会方嘅续约问题陷入僵局，唔排除今夏离队，重投AC米兰。

现年30岁嘅艾沙拉维将於今夏约满，虽然佢有意续约，但罗马方面迟迟未开出新合约，令呢位意大利国脚意兴阑珊，盛传AC米兰计划邀请佢回巢。

艾沙拉维曾於2011至16年效力AC米兰，期间试过被外借去摩纳哥，佢对於A米绝对唔陌生。由於AC米兰2位前锋奥历治、列比锡可能今夏离队，会方希望签入艾沙拉维填补空缺，相信只要倾掂薪酬条件，应该可以成事。