欧联决赛周日(11日)凌晨喺土耳其伊斯坦布尔上演，曼城同国际米兰大军周五(9日)都已经抵步，个个球员都表现得精神奕奕，最重要系双方今场据报都可以「夫添」作战，基尔获加、史坚尼亚、米希达利恩等球星都可以候命。

国际米兰率先飞抵土耳其，班主张康阳都有随队出发，不过教练施蒙尼恩沙基最开心嘅系可以「夫添」，之前受伤嘅米希达利恩同祖亚昆哥利亚，近日都已复操，就连3月份做背部手术嘅史坚尼亚，据报都可以先任後备。

之後轮到曼城大军到步，日前因背伤缺练嘅基尔获加顺利康复，一众球星都表现得非常轻松，据报曼城更批准球员带埋家人、朋友一齐出发，而且会住喺大军入住嘅酒店附近，希望球员可以安心争夺冠军宝座。