李斯特城喺22/23球季降班，将会降落英冠比赛，阵中球星纷纷跳船，继泰利文斯落实过档阿士东维拉後，另一比利时国脚卡斯泰尼亦要求转会，目前有多间英超球会斟介，不过消息指佢最大机会回归意甲，加盟祖云达斯。

卡斯泰尼依家正为比利时踢欧国外，佢接受访问表示：「我哋(李斯特城)喺季尾踢出好好嘅进攻足球，虽然最後降班，但唔代表我哋都系差嘅球员。我嘅目标系为其中一间大球会效力，但依家交畀经理人处理，我会集中为比利时比赛。」

消息指阿仙奴、富咸、水晶宫等都对佢有兴趣，但据Fabrizio Romano消息，祖云达斯已率先同李斯特城接洽，预计转会费约1,500万镑(约1.5亿港元)。27岁嘅卡斯泰尼加盟李斯特城前，曾效力阿特兰大3季，对意甲绝不陌生。