喺曼联失宠嘅瑞典新星艾兰加，上周六(17日)热身赛为瑞典4比1大胜新西兰入波，再次证明自己嘅能力。虽然曼联已经将艾兰加挂牌，但呢位新星亦唔愁出路，瑞典国家队队友科斯贝治就表示，艾兰加下季有机会喺RB莱比锡同佢做队友！

瑞典中场科斯贝治向德国《踢球者》表示：「我会同文斯拉夫(RB莱比锡总监)坐低倾下，睇下之後要点做，我觉得艾兰加好啱踢RB莱比锡，佢系一个不断求进步嘅年轻球员。」有消息指RB莱比锡已同曼联进行接触。

艾兰加上季为曼联喺英超上阵16场，但有11场都系後备入替，最後一次喺英超亮相已经系3月初嘅事，据报曼联将要求1,000万镑(约1亿港元)。