美洲金盃B组，两支首轮输波嘅球队对碰，卡塔尔恶斗洪都拉斯。两队如果想出线，今场非胜不可，不过洪都拉斯防守不济，近8场得2仗冇失波，另外6场更系先被攻陷一队，卡塔尔有望先开纪录，推介卡塔尔第一队入球。(无綫myTV SUPER周五早上7时45分直播)

卡塔尔今年2月由前葡萄牙及伊朗国家队领队奎罗斯接手，上届佢哋同样有参战美洲金盃，分组赛以2胜1和出线，更杀入4强。不过今届首战就输波，虽然斗海地20分钟先开纪录，但点知临完上半场输个12码，更喺补时7分输埋绝杀，全失3分非常唔抵。卡塔尔今场对住洪都拉斯心理上有优势，上届分组赛对阵赢2比0，去年一场热身赛亦都小胜1粒，摆明食住对手。

洪都拉斯喺金盃成绩一般，上场畀墨西哥大炒4蛋，近3场输晒，失9球只入过1粒。佢哋防守超差，集中力不足，经常畀对手入波，近8场赛事有6次先失波，而且佢哋对亚洲球队往绩亦唔掂，上次击败亚洲兵已经系2006年1比0击败中国，今场应该好快畀卡塔尔攻陷，捧主队第一队入球。

直播表

周五7:45am 美洲金盃 卡塔尔 Vs 洪都拉斯

周五10:00am 美洲金盃 海地 Vs 墨西哥