上季帮些路迪赢得本土三冠王嘅日本国脚前锋古桥亨梧，今夏成为抢手货，据报道，热刺、般尼、水晶宫、诺定咸森林，仲有德甲同意甲球队都对佢有兴趣，些路迪见佢有市场，标价2500万镑(约2.47亿港元)畀各队斟介。

《football insider》报道，刚回巢些路迪执教嘅罗渣士表明希望古桥亨梧留队，但些路迪会方就认为搵钱机会难逢，为球员标价最实际，开出不低於2500万镑价钱，比《转会市场》估价1400万欧元高出一大截。

消息指，同些路迪斟介最接近嘅球队系般尼，不过般尼认为2500万镑嘅价钱偏高，而近日传出热刺加入斟介行列，似乎为哈利卡尼离队做准备，更有机会合组古桥亨梧夥拍孙兴民嘅日韩组合。