意大利传媒爆料，指拉素王牌中场米连高域沙域拒绝续约，意味可於明夏自由身离队，拉素为免人财两失，准备今夏出售佢，只要求3,000万欧元(约2.55亿港元)转会费。曼联过去一直对呢位28岁塞尔维亚国脚虎视眈眈，依家机会终於来了。

米连高域沙域2015年由比利时球队亨克加盟拉素之後，一直效力至今，呢位身高1米91嘅悍将技术全面，可以胜任中场任何位置，近2季入波都达双位数，包括刚过去一季上阵47场入11球及8次助攻，近年获得唔少大球会垂直，米连高域沙域亦希望登入豪门，所以决定唔续约。拉素惟有焗住提早出售佢，据报只要有球会愿意出价3,000万欧元以上转会费，就可以带走米连高域沙域。

曼联上年夏天已经想收购米连高域沙域，但拉素当时开价太高，以致未能成事，现时情况唔同，红魔鬼有机会平价买到佢。不过，祖云达斯、巴黎圣日耳门都睇中米连高域沙域，预料会有一场抢人大战。