阿根廷球王美斯喺周六(22日)早上北美联赛盃首次为国际迈亚密上阵，吸引多位「星级球迷」入场睇波，除咗国际迈亚密班主之一嘅碧咸之外，仲有美斯老友阿古路，以及NBA「大帝」勒邦占士，呢位篮球巨星搵美斯「集邮」拥抱，变成「小粉丝」。

勒邦占士虽然系篮球员，但一向对足球有浓厚兴趣，更身为利物浦小股东，亦同2位巴黎圣日耳门(PSG)球星基利安麦巴比、尼马非常老友。美斯由PSG转投国际迈亚密，佢亦亲自捧场，赛前同美斯热情拥抱，其实两人相识多年，美斯效力巴塞隆拿，勒邦占士都曾经同佢合照。

另外，勒邦占士亦搵碧咸夫妇「集邮」合照。