喺美国进行集训嘅曼联，转会计划出现突破，佢哋喺阿特兰大前锋贺兰特嘅「拍卖战」，出价成功击退巴黎圣日耳门(PSG)，有望喺英超开锣前完成收购，领队坦哈格亦信心十足表示：「愈快搞掂愈好！」

20岁丹麦前锋贺兰特系曼联同PSG收购目标，据《The Athletic》报道，PSG已向阿特兰大开价4,300万镑(约4.3亿港元)收购，但佢哋认为贺兰特只系喺欧洲5大联赛踢过1年，表明唔会再提高出价，不过曼联就口头开价4,300万镑，外价800万镑(约8,000万港元)奖金条款，喺呢场「拍卖战」成功击退PSG。

据报阿特兰大已接近用破球会纪录转会费2,600万镑(约2.6亿港元)，签入艾美利亚前锋艾比拉尔托尼，预料佢将会取代贺兰特嘅位置，英国《曼彻斯特晚报》指曼联希望喺英超开咧前落实，坦哈格日前被问到收购前锋，佢亦表示：「我唯一可以讲，系球会已尽全力买前锋，最理想情况当然系新前锋已经在阵，咁就有时间融入球队，但情况有时唔系我哋控制，畀我拣当然愈快搞掂愈好！」