列斯联今季降落英冠後，多位球星纷纷「跳船」，不过意大利国脚韦费特干洛图仍未有着落，据报呢位翼锋喺上场英联盃作出罢踢，逼球会放佢走人。

19岁嘅韦费特干洛图上年加盟列斯联，各项赛事踢28场入4球，并且已经11次为意大利国家队上阵，潜质优厚，佢当然唔想留喺英冠比赛，不过列斯联就希望留用干洛图，争取即时重返英超，早前就已拒绝爱华顿1,500万镑(约1.5亿港元)斟介。

干洛图为逼列斯联放人，周四(10日)英联盃首圈对梳士贝利一仗，佢就拒绝出赛作为抗议。消息指般尼、弗赖堡同国际米兰都有兴趣收购呢位天才翼锋，就睇列斯联唔会唔屈服放人。