欧霸盃外围赛附加赛首回合，卢多格德斯主场迎战阿积士。牌面上传统劲旅阿积士当然秤先，不过呢支荷甲名牌进入重建期，今季大换血後明显影响表现，今仗远征保加利亚危机四伏，作客难让欧洲赛主场不败率甚高嘅卢多格德斯，让球主胜值得推荐。（周五凌晨2时开赛）

阿积士上季荷甲只系排第3位，夏天搵咗史迪恩执教，上任冇耐嘅总监米斯连达亦帮球队大换血，祖利安添巴、艾臣奥马艾华利斯等主力离队影响好大，新签嘅艾卡邦、苏达路等仲未上过阵，一时三刻好难踢出默契，上场联赛作客2比2打和精英队，阿积士嘅差劲演出就饱受批评。

卢多格德斯近年系欧洲赛常客，虽然实力同5大联赛球队仲有距离，但亦绝对唔系鱼腩，尤其主场演出相当醒神，对上8仗欧洲赛主场，拎到6胜1和1负成绩，包括主场赢过安德列治同罗马，欧战主场不败率超过8成半，今仗对住跌晒watt嘅阿积士有力保持不败，让球主胜抵玩。