欧洲转会窗已关闭，但沙特联赛嘅转会窗仍然运作，佢哋继续向欧洲招揽顶级球星，最新一个系马体会比利时国脚恩历克卡拉斯高，球员周一(4日)抵达沙特，将会同沙特球队艾沙比Al Shabab签约3年，转会费1,500万欧元(约1.27亿港元)。

马体会原本今轮西甲对西维尔，但因天气恶劣取消，卡拉斯高亦喺赛事改期之下结束马体会生涯，喺佢出发去沙特之前，已经签齐所有转会文件，体检亦都做埋，刚飞抵沙特，获得当地沙特酋长迎接。

30岁嘅卡拉斯高生涯大部份时间都喺马体会，2018至20年期间曾经转战中超两季，之後又回流马体会，两段时期合共上阵265场射入47球，由於佢踢过中超，今次再转到另一亚洲联赛沙特，对佢嚟讲驾轻就熟。