英格兰联赛锦标分组赛展开，邪神研究咗一场南部F组赛事，诺咸顿主场迎战牛津联，诺咸顿今季由英乙升上英甲，开季连盃赛在内3连败，不过随後已适应节奏，近3场取得两胜，表现回稳。牛津联同样系英甲球队，早前录得4连胜，佢哋踢法有前冇後，近4仗全开3球或以上，嚟到英锦标场合，肯定踢得更放，中位数2.5球入球大有计。（周三凌晨2时开赛）

诺咸顿实力介乎英甲尾同英乙头之间，近两季降落英乙，两季都排喺联赛前列，上季取得英乙第3名重返英甲，开季6战取得7分，依家位居中游，英联盃首圈净吞史云斯3蛋出局，对於诺咸顿嚟讲，英锦标先系佢哋表演舞台，相信球员比赛态度会更加认真，力争赢波。

牛津联喺英甲打滚多年，一直都排喺中游，但又未够班升上英冠，佢哋喺英联盃首圈1比5大败畀布里斯托城出局，自然想喺英锦标有一番作为，牛津联踢法开放，近4场入球多，失球亦多，充满娱乐性，今场作客诺咸顿势必同对方驳火，肯定好精彩，2.5球入球大要捧场。