葡萄牙国脚祖奥包连夏喺夏天转会窗完结前，几乎转投德甲拜仁慕尼黑，不过交易喺最後关头告吹，原本预期呢位葡萄牙国脚会喺1月再尝试转会，但富咸周五(15日)突然宣布，祖奥包连夏同球会续约至2028年(另加1年续约条款)。

祖奥包连夏原本同富咸合约到2027年，转会失败後突然续约，呢位28岁中场表示：「我好开心！呢几个星期发生咗好多事，大家听到好多关於我未来嘅消息，但我只系专注富咸嘅工作，对富咸我系100%效忠。」

拜仁慕尼黑喺夏天转会窗死线日，开价4,700万镑(约4.7亿港元)收购祖奥包连夏，呢位中场亦渴望转会，更加提前飞去慕尼黑做定体测，但结果两间球会倾唔掂转会费，令交易告吹。