周一(18日)意甲赛事，罗马主场以7比0狂数安玻里，拎到今季第1场胜仗，比利时前锋卢卡古攻入佢转会後第1个入球，教练摩连奴赛後力撑呢位「犯众憎」前锋，呼吁球迷「畀啲爱佢」！

罗马开咧3仗只得1分，今场迎战安玻里就大爆发，2分钟由保罗戴巴拿揭开屠杀序幕，半场轻松领先3比0；换边後罗马继续狂攻入多4球，卢卡古喺82分钟接应比洛迪直线单刀射入，转会罗马後终於「开斋」。

有卢卡古「说明书」嘅摩连奴赛後表示：「卢卡古需要快乐嘅环境，佢要感受到被爱同被需要，佢加盟後就知道罗马需要佢呢种球员。我觉得国际米兰唔使嬲(卢卡古背叛)，佢哋照样喺米兰打呲大胜，罗马比国际米兰更加需要卢卡古。」