利物浦今季强势持续，周四(28日)喺英联盃第3圈主场3比1击败李斯特城，连续4仗开出赢3比1嘅波胆，亦系近7场第5次以呢个比数赢波，更加特别嘅系，呢5场「3比1」赢波入面，有4次都系反败为胜，呢个剧本值得留意！

利物浦今季锺意玩後来居上，今仗开波3分钟就走甩麦卡迪亚先落後，控制战局嘅「红军」到下半场先发力，加普换边後3分钟追平，苏保斯拉尔70分钟轰入世界波反超前，达亚高祖达就喺完场前1分钟锁定胜局，为利物浦连续第4场赢3比1。

利物浦领队高普赛後表示：「我哋又系先落後0比1，不过最重要系球员嘅反应，佢哋反应好好，制造大量黄金机会，我想像唔到点解上半场会入唔到波。利物浦球员并冇因为错失机会而心急，而系一直主导比赛，佢哋今场交出顶尖嘅表现。」