曾效力曼联嘅阿根廷前锋泰维斯，今个夏天成为阿甲劲旅独立队教练，球队目前排联赛第2位成绩理想。泰维斯嘅执教理念亦相当独特，佢强调球员一定要增加知识「学做人」，阵中就有3位年轻球员因为唔识计「2+2」，被泰维斯勒令每日练波後，上2个钟头学术堂。

现年39岁嘅泰维斯，曾经为费格逊、文仙尼、阿里基等名帅效力，佢话学识系球员嘅重要元素：「我可以畀食物同物资，但只有学习先可以真正摆脱贫穷，你踢波都要识字、知道你签嘅合约写啲乜。我已经安排咗老师喺练习後帮球员上堂。」

泰维斯自爆做咗个测试，要球员做大运动量嘅练习，体力耗尽情况下考问简单数学题：「我问佢哋简单嘅加减数，好似2+2系几多，但竟然有3个年轻球员计唔出，佢哋系阿根廷甲组球员呀！」