曼联今季表现差劲饱受批评，领队坦哈格被传帅位不稳，周日(12日)凌晨主场对卢顿一战，前英格兰领队艾拿戴斯突然现身奥脱福，仲陪住「太上皇」费格逊一齐观战，引起球迷无限遐想。虽然曼联最终赢1比0，但艾拿戴斯就被影到睇到打喊路，似乎唔系佢哋想见到嘅曼联足球。

费格逊同艾拿戴斯一齐喺奥脱福睇波，唔少球迷都畀呢幕震惊，笑指费格逊将会推荐大Sam接替坦哈格帅位。喺上半场仲系0比0嗰阵，大Sam同费Sir都睇到眉头深锁，大Sam曾经向费格逊抱怨，到20分钟左右更被影到打喊露，连出名踢闷波战术嘅艾拿戴斯都可以被「闷亲」，认真唔简单。

大批网民喺社交网留言：「连艾拿戴斯都睇到打喊路，可想而知踢得有几衰」、「艾拿戴斯即将空降奥脱福」、「坦哈格换大Sam都算系升咗呢」......