拜仁慕尼黑将於周四(30日)凌晨欧联A组主场对哥本哈根，呢支德甲劲旅操练时出现「木乃伊」，首季去德国搵食嘅前锋哈利卡尼，同队友一样由头包到落脚，抵抗当地冬天寒冷天气，远睇似足「木乃伊」。

慕尼黑气温已经跌至摄氏零下2度，并且开始落雪，球员操练期间都做足御寒工作，哈利卡尼最夸张，连面部都包住，只露出双眼，唔少网民担心比赛期间，佢会被「冻僵」影响入球能力。

幸好拜仁慕尼黑已经提早取得小组首名出线，就算哈利卡尼到时唔出场，都冇所谓。