曼联将於周四(7日)凌晨英超主场对车路士，红魔鬼官方公布禁止近期有份「抹黑」领队坦哈格嘅传媒参加赛前记者会，据悉「黑名单」上包括《天空体育》、《曼彻斯特晚报》、《镜报》及《ESPN》。

曼联发表声明批评有多间英国传媒喺未有球会确认之下，发布同事实不符嘅消息：「球会对多间传媒采取行动，并非因为佢哋报道我哋唔喜欢嘅新闻，而系有关媒体根本冇联络我哋，亦冇畀机会我哋了解事情及回应，球会必须扞衞重要原则，希望重新制定合作方式。」

据悉近日有报道指球员不满领队坦哈格嘅强硬管理方式，有半数球员已经唔支持佢留队，引起牵然大波，坦哈格表明，更衣室冇失控，亦冇出现任何问题。