利物浦今季表现回勇，各项赛事都高歌猛进，不过德国名宿夏文就指球队仍有唔少问题，其中乌拉圭前锋达云纽尼斯更加系最大死穴！达云纽尼斯依家陷入10场入球荒，令利物浦火力有下降迹象。

达云纽尼斯自11月初对般尼茅夫嘅英联盃入波後，为利物浦上阵10场都「交白卷」，上场对曼联嘅表现亦备受批评，佢由上季至今嘅英超预期入球(xG)差距系-5.68，属全英超第「败家」，仅次於卡维特利云同马奥比。

利物浦名将夏文表示：「远藤航仍然适应紧英超，苏保斯拉尔近期比较沉，我认为利物浦冇咗阿历士麦亚里士打影响好大，不过成队波最大死穴就系达云纽尼斯，自从佢开季对纽卡素入2球後，我以为大家期望嘅佢终於出现，但佢之後只系入得1、2球，唔到人唔担心！」