年年都雷声大、雨点少嘅巴黎圣日耳门（PSG），欧联16强首回合斗今届冒起嘅皇家苏斯达。皇苏今届以防守踢出天地，6场分组赛只失2球，3场作客保持不失，全开2球或以下，PSG来来去去都只靠基利安麦巴比，皇苏只要加强防守，就可以减低佢威力，今场宜向2.5球入球细埋手。（Now 643周四凌晨4时直播）

PSG自从大财团入主後，一直以欧联冠军为目标，近12届全部打入16强，但对上两届都系呢个阶段止步，分别被皇马及拜仁淘汰。今届PSG分组赛一样唔突出，落後多蒙特3分，只能以对赛成绩压过AC米兰以次名出线，抽完签佢哋好彩地避过晒啲传统劲旅，但今届皇苏欧联崛起，唔好以为易踢。麦巴比上场联赛对里尔唔使踢，抖够应付今仗，不过PSG过於倚赖「麦总」，只计联赛就入咗19球，占球队入波超过3分之1，皇苏只需专注防守佢，起码保住个和局，次回合返主场再砌过。

事实上皇苏今届守出个天地，欧联6战只失2球，4人防线前面仲有防守中场苏比文迪做第一道屏障，尤其作客踢出纪律性，今届3场欧联作客零失球，PSG要攻破佢哋大门极难，捧入球细啱数。