英超王者曼城气势如虹，挟11连胜佳绩主场炮轰车路士，为争标3分志在必得。曼城近期赛程紧密，3日後又要补赛对宾福特，相信佢哋会藉主场威力抢攻，务求尽早奠定赢波基础，避免下半场虚耗过多体力，半场主胜值得支持。

曼城嘅「胜利引擎」已全速开动，周中欧联作客3比1击败哥本哈根，各项赛事连赢11场，依家注意力可重新放喺英超争霸上。曼城依家落後榜首利物浦2分但踢少场，掌握住争标主导权，而且奇云迪布尼复出後入波、助攻瓣瓣有，令球队火力提升一个层次。

「蓝月亮」主场气势逼人，前场迫抢踢法令对手难以喘息，往往可以喺比赛前半段迫使对方犯错拎到入球，近6场主场赛事，有5场顺利喺半场领先，抢攻踢法非常有效。

而车路士近期表现持续不稳，上仗对水晶宫半场落後情况下，要去到临完场先至反胜，加上巴西中坚堤亚高施华受伤上阵成疑，令本已疲弱嘅防守力亮起红灯。而且车路士作客入局慢，造访利物浦、曼联、热刺、纽卡素等劲旅都会喺头30分钟内先失波，面对擅长早段抢攻嘅曼城恐怕凶多吉少。